پەیامی نەورۆزی یەکیەتی لاوان لە ئاڵمان

هاونیشتمانانی بەرێز

لاوانی خۆشەویست

یەکیەتیی لاوان، پر بە دڵ پیرۆزبایی هاتنی ساڵی 2712 ی کوردی و نەورۆزی کوردیتان لێدەکات و هیوادارە لە گەڵ تێکشکانی سەرماو سۆڵەی زستانی و هاتنی بەهار ماڵەکانتان ودڵتان وەک دەشت و دەونی ئەم کوردستانە رازاوە بە گوڵ و گوڵزار بێت.

خٶشەویستان، سالێ 2711ی کوردیمان بە هەموو روداوە خۆش و ناخۆشەکانیەوە تێپەڕاند.  لەو ساڵەدا ئێمەو جیهان شاهیدی کۆمەڵیک روودای خٶش و ناخۆش بووین، کە لە سەر ئاستی جیهاندا کاریگەری مەزنیان هەبوو. ڕابوون و شۆڕشەکانی باکوری کیشوەری ئافریقا و وڵاتانی عەرەبی دەتوانین وەک نموونەی ئەرێنی بێنینەوە کە خەڵکی بە زاڵە هاتوو لەدەست دەسەڵاتی چەندین دەیەی دیکتاتۆرەکان توانیان راپەرن و کۆتای بە حوکمی دیکتاتۆرەکان بێنن. ئەم روداوانە بۆ ئێمەی ئازادیخوازو پشتیوانانی ئازادیخوازان دەسکەوتێکی هەرە مەزنە و پەیامێکە بۆسەرجەم دیکتاتۆرەکان کە مەرگی ئەوانیش نزیکە.

لەپەنایی ئەم روداوە خۆشانەدا دەتوانین رووداوەکانی سوریەو رۆژئاوی کوردستان بە تاڵترین و ناخۆشترین روداوی ساڵی رابردوو بۆ کۆمەڵگای مرۆڤایەتی و ئازادیخوازان وەک نموونە باس بکەین. لە کاتێک دا خەڵکی ماف خواز و ئازادیخوازی رۆژئاوایی کوردستان و سوریە لە بەرامبەر زوڵم و زۆری دەسەڵات دارانی حاکم بەسەر وڵاتدا رژانە شەقامەکان و داوای چاکسازی و ئازادیان کرد. بەڵام دەسەڵات داران وەک پیشەیی هەمیشەییان بە گوڵەو کوشتن وڵام خەڵکی بێ دیفاعیان دایەوەو ئەو وڵاتەیان کرد بە گۆرستانی خەڵکی بیدیفاع و رۆژانە بە دەیان کەس شەهید و بریندار دەکەن، کە بەشێکی بەرچاویان ژن و منداڵن. ئەوەی چێگای داخو کەسەرە هەندێک وڵاتی زل هێز بە پشتوانی کردنیان لەم نیزامە بونە شەریکە بەش لە کوشتاری خەڵکی بێدیفاع دا.

ساڵی رابردوو ساڵی هەرچی تەریک کەوتنەوەو پەراوێز خستنی کۆماری ئیسلامی بوو لە لایەن کۆمەڵگای جیهانیەوە. کۆماری ئیسلامی بە سیاسەتی نارون و دژە ئیناسنی خۆی و بەدەست وەردان لە کاروباری وڵاتانی دیکی جیهان و هەرشە و پاڵپشتی تیرۆریست. بوەتە هەرشەیەکی جددی بۆ سەر ئەمن و ئاسایشی جیهان. ئەم رەفتارو کردەوانەی رژێم  کاردانەوەی جیهانی بەدوای خۆیدا هێناوە. لە ئەنجامی کاردانەوەی کۆمەڵگای جیهانیدا تەحریمەکان قورستر کران و  لە هەمان کاتدا خەتەری شەرێکی ماڵ وێرانکەریش هاتوەتە ئاراوە. کە بێگومان کۆمەڵگای ئێرانی بە گشتی زەرەر مەندی سەرەکی ئەم سیاسەتە چەوتەانەی کۆماری ئیسلامی بووە و دەبێ.

کۆماری ئیسلامی وەک پیشەی هەمیشەی خۆی سەبارەت بە کۆمەڵگای ئێران بە گشتی، زیاتر لە جاران کۆنترۆڵی خستۆتە سەر کۆمەڵانی خەڵک و بە دەیان و سەدان کەسی رەوانەی زیندانەکان کردوەو ئیعدام و کوشتن رووی لە زیاد بوون کردوە کە بە شیوەیەک لە هەر چوار سەعات جارێک کەسێک ئیعدام دەکرێ. سیاسەت و بەرنامەی ناشایستەی کۆماری ئیسلامی کۆمەڵگای بەرەو قەیرانی ئیقتسادی کۆمەڵایەتی و سیاسی و هتد بردوە.  هەروەها دەیهەوێ جارێکیتر  بە هەڵ گیرساندنی شەڕ لاوانی ئەم وڵاتە  بکاتە قوربانی سیاسەتەکانی  .

بەڵام خەڵکی ئازادیخواز و ماف ویستی ئێران و کوردستان بەتایبەتی، وەک هەمیشە بە شیوەگەلی جۆراو چۆرو لە بۆنەو بەرنامەکاند چ بە بایکۆت کردن وداخستنی دوکان و بازارو بە شیوەگەلی جۆراو جۆر بەم دەسەڵاتەیان نیشانداوە نەک هەر نابنە داردەست و بازیچەی سیاسەتەکانی ئەم نیزامە بەڵکو  ئاواتە خوازی مەرگی ئەم نیزامەن و کار بۆ لە ناو بردنی دیکتاتۆری دەکەن.

خۆشەویستان.

ئەم روداوانەی ساڵی رابردوو پەیامی ئازادی و سەرکەوتنی بۆ ئێمەی لاو و تێکرای ئازادیخوازن پێبوو، پەیامێک کە پێمان دەڵی خۆراگر بین، لەبەرامبەر زوڵم و زۆردا بێدەنگ نەبین، لەبەرامبەر زیندان و سەرکوت و ئازار و ئەشکەنجەدا چۆک دانەدەین، کاتی ئەوە هاتوە هەمو پێکەوە دەست لە نێو دەستی یەک بۆ ئازادی نیشتمانمان هەنگاو بنێین. یەکگرتوویمان و تەسلیم نەبونمان لەبەرامبەر سیاسەتەکانی رژێمدا ئازادیمان مسۆگەر دەکات.

لە کۆتایدا جارێکی تر ئەم نەورۆز و سەری ساڵە لە سەرجەم زیندانیانی سیاسی و ئازادیخواز کە لە چاڵە رەشەکان و  ژوورە  تاکە کەسیکاندا لە سەخت ترین هەڵ و مەرجدا بە ئێمانەوە ژیان بەردەوام دەکن، پیرۆزدەکەین. پیرۆزبای لە بنەماڵی شەهیدان و زیندانیان و سەرجەم تیکۆشەران ورێبوارانی ئاشتی و ئازادی  دەکەین. هیوادارین لە ساڵی نوێدا گەلەکەمان زیاتر لە جاران ریزەکانی پتەوتر بکات و، بە یەکەوە دەس لە نێو دەستی یەک بۆ سەربەرزی نیشتمان هەنگاو بنیین. ئاواتە خوازین لە ئێرانێکی دێموکرات و فیدارڵ و کوردستانی ئازاد و ئاوەداندا نەورۆزیکی دیکە پێکەوە جێژن بگرین.

ساڵی نوێ و نەورۆزتان پیرۆز ماڵی دڵتان وەک ئاگری نەورۆز گەشاوە بێت

یەکیەتیی لاوانی دێموکراتی کوردستانی ئێران_ ئاڵمان

Advertisements

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s