شەپۆلی ئێعدامەكان لە ئێراندا، كۆمەڵگای جیهانی تووشی شۆك دەكات

دارا ناتق

لە ماوەی ڕابردوودا، شەپۆلی بەرفراوان و بەردەوامی ئێعدام و پێشێلكارییەكانی مافی مرۆڤ لە لایەن رێژیمی مرۆڤكوژی كۆماری ئیسلامییەوە، جارێكی دیكە بووە

هۆی نیگەرانیی كۆمەڵگای مرۆڤدۆست و نیگەرانی و مەحكوومییەتی بیروڕای گشتی لێكەوتەوە. مخابن كۆماری ئیسلامی لە ماوەی زیاتر لە سێ دەیە لە دەسەڵاتداریی ڕەش و نگریسی خۆیدا، بە دوور لە یاسا و رێسا نێونەتەوەییەكان و بە پێچەوانەی جاڕنامەی گەردوونی مافی مرۆڤ و پرۆتۆكۆڵە چەسپێندراو و پەیمانە نێونەتەوەییەكان، بە شێوەگەلی ئاشكرا و نهێنی، لە پێناو پاراستنی حاكمییەتی دیكتاتۆرانەی خۆیدا، درێژە بە پێڤاژۆی سەركوتكەرانەی خەڵكی مافخواز و تینووی ئازادی و دادپەروەری لە وڵاتەكەماندا دەدات و سەرەڕای نیگەرانی و ناڕەزایەتیی كۆمەڵگای نێونەتەوەیی لە هیچ چەشنە كردەوەیەكی دژی مرۆڤی خۆی ناپارێزێت. بە گشتی یاسای بنەڕەتیی رێژیم لە پێوەندی لەگەڵ مافەكانی مرۆڤ و ئازادییە سەرەكییەكاندا، دوورە لە پێوانە جیهانییەكانی مافی مرۆڤ و ئەو یاساگەلەی ڕێگە بە سەركووت، گرتن، ئەشكەنجە، ئێعدام، زیندانیكردن و دەستبەسەركردنی هاووڵاتیان دەدەن، وەكوو بناغەیەكی پتەو بۆ پاراستن و بەردەوامیی ئەم رێژیمە لە نێو یاسا و رێسا بنەڕەتییەكانی ئەو وڵاتەدا رۆژانە لە لایەن ناوەندە سەركوتكەرەكانییەوە پراكتیزە دەكرێن.

زیادبوونی ڕێژەی بەرچاوی ئێعدامەكان لە ماوەی دوو مانگی رابردوودا، كۆمەڵگای جیهانی تووشی شۆك و نیگەرانی كردووە. بە چەشنێك كە تەنیا لە ماوەی یەك حەوتوودا زیاتر لە 50 كەس بە تۆمەتی جۆراوجۆر لە ئێراندا لە سێدارە دراون. بە پێی ڕاپۆرتی رێكخراوەكانی مافی مرۆڤی ئێرانی، لە دوو رۆژی كۆتایی مانگی بانەمەڕی ئەمساڵدا، 26 كەس لە زیندانە جوراوجۆرەكانی ئێراندا ئێعدام كراون. بە پێی ڕاپۆرتی هەواڵنێری «ایسنا»، لە بەیانی ڕۆژی یەكەمی مانگی جۆزەردانی ئەمساڵ، 14 كەس بە تۆمەتی جۆراوجۆر لە زیندانی تاران لەسێدارە دراون. واتە بە پێی راپۆرتەكانی سەر بە دەزگا فەرمییەكانی رێژیم، لە ڕێكەوتی 11ی بانەمەڕی ئەمساڵ تا 2ی جۆزەردانی ئەم مانگە، زیاتر لە 48 كەس بە شێوەگەلی جۆراوجۆر لە ئێراندا ئێعدام كراون. ژمارەی ئێعدامكراوەكان كە بە ئاشكرا بوون، لە مانگی بانەمەڕدا 73 كەس راگەیەندراوە. بە گشتی بە پێی ئامارێك كە لە لایەن ئاماری كۆمەڵەی چالاكانی مافی مرۆڤ بڵاو كراوەتەوە، ژمارەی ئێعدامكراوەكان لە ئێران لە ساڵی نوێدا زیاتر لە 130 كەس راگەیەندراوە. نێونجی ڕێژەی ئێعدامەكانی بە ئاشكرا لە ئێراندا دەگاتە 2 كەس لە رۆژێكدا و دوای وڵاتی چین زۆرترین ئێعدامەكان لە ئێراندا بەڕێوە دەچن. ئەوە لە حاڵێكدایە كە دەزگاكانی سەر بە رێژیم هیچكات ئاماری دروستی ئێعدامەكان ڕاناگەیەنن و ڕێژەی لەسێدارەدراوەكان زۆر لەوە زیاترن كە باسی لێ دەكرێت.

ناوەندەكانی مافی مرۆڤ و یەك لەوان رێكخراوی مافی مرۆڤی ئێرانی وێرای مەحكوومكردنی شەپۆلی بەرفراوانی ئێعدامەكان لە ئێراندا، داوایان لە رێكخراوە نێونەتەوەییەكان كردووە كە بۆ راوەستاندنی ماشینی ئێعدامەكانی كۆماری سێدارە هەنگاوی بە پەلە باوێن و هەر چەشنە هاوكاری و پێوەندیی خۆیان لە گەڵ ئەو وڵاتە بپچرێنن. پێویستە چیدیكە رۆژئاوا و كۆمەڵگای جیهانی بە گشتی لە ئاست جینایەتە دژی مرۆڤییەكانی رێژیمدا دەستەوەستان ڕانەوەستن و لە پێناو پشتیوانیكردن لە خەباتی مافخوازانەی گەلانی ئێران بە گشتی و بنبڕكردنی رەوتی سەركوت و هێنانەدیی سیستمێكی دێموكراتیك و گەلی و دابینكردنی ئازادی و دێموكراسی و دادپەروەریی كۆمەڵایەتی تێبكۆشن.

Advertisements

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s