بەیان سامی: دانیشتنم لەگەڵ دیموکرات بۆ یەکگرتنەوەیان نەبووە

بەگوێرەی چەند ماڵپەرێکی هەواڵ، نوێنەری حکومەتی هەرێمی کوردستان لە بەریتانیا بە مەبەستی یەکخستنەوەی دیموکراتەکان، لەگەڵیان دانیشتنی ئەنجام داوە.

بە گوێرەی هەواڵنێرییەکان ئەو هەوڵانە لەژێر سەرپەرشتی مەسعود بارزانی، سەرۆکی هەرێمی کوردستان بووە و بۆ ئەو مەبەستەش نوێنەری حکومەتی هەرێمی کوردستان لە بەریتانیا، بەرپرسان و نوێنەرانی هەردوو لایەنی دیموکرات لە بەریتانیا، سوید، ئەڵمانیا و هۆلەندای بۆ ئەنجامدانی کۆبوونەوەی نهێنی بانگهێشتی لەندەن کردووە.

بەیان سامی عەبدولڕەحمان، نوێنەری حکومەتی هەرێمی کوردستان لە بەریتانیا لە لێدوانێکدا بۆ (رووداو) ئەو هەواڵانەی رەت کردەوە و رایگەیاند «من وەک نوێنەرایەتی حکومەتی هەرێمی کوردستان لەگەڵ سەرجەم حیزب و لایەنە کوردستانیەکان دادەنیشم و پەیوەندی گەرم و پتەومان لەگەڵیان هەیە، بەڵام هیچ هەوڵ یان بەرنامەیەکی لەو چەشنە لە ئارادا نەبووە».

بەیان سامی گوتیشی «وەک نەریتێکی هەمیشەیی، لەم سەردانەی دوایی مەستەفا هیجری، سکرتێری گیشتی حیزبی دیموکراتی کوردستانی ئێران کۆبوونەوەمان ئەنجام داوە بەڵام باسی یەکگرتنەوەی دیموکراتەکان لەو هیچ یەک لە کۆبوونەوەکان نەکراوە».

بەیان سامی، نوێنەری حکومەتی هەرێمی کوردستان لە بەریتانیا سەبارەت به داوای مەسعود بارزانی، سەرۆکی هەرێمی کوردستان بۆ هەوڵدان بۆ یەکخستنەوەی دیموکراتەکان رایگەیاند «سەرۆکی هەرێمی کوردستان هیچ داوایەکی لەو چەشنەی لەمن نەکردووە بەڵام یەکێتی و یەکدەنگی نێوان لایەنە کوردستانییەکان پێویستییەکی حاشاهەڵنەگرە و ئەگەر بەرێز بارزانی داوایەکی لەو شێوەیە لەمن بکات به گیان و دڵ قبوڵی دەکەم و لەو پێناوەش هەوڵ دەدەم».

رووداو بۆ بەدواداچوونی زیاتر پەیوەندی به سەرکردایەتی هەردوو حیزبی دیموکراتی کوردستان کرد و هەردوو لا وێڕای رەت کردنەوەی ئەو هەواڵە رایانگەیاند «دیدار و چاوپێکەوتنەکانیان لەگەڵ بەیان سامی عەبدوڵڕەحمان بۆ یەکگرتنەوەی دیموکراتەکان نەبووە و تەنها وەک نەریتێکی هەمیشەیی لە سەردانەکانیاندا لەگەڵ نوێنەری حکومەتی هەرێمی کوردستان چاوپیکەوتنی دۆستانە ئەنجام دەدەن و هیچ کاتیش به هاوبەشی لەگەڵ بەیان سامی کۆ نەبوونەتەوە».

Advertisements

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s